miðvikudagur, febrúar 20, 2008

Hugsið ykkur, hvað getur gerst mikið í lífi fólksins í kringum þig og þú veist ekkert um það. Góðir vinir geta átt mjög erfitt án þess að við vitum af því. Veikindi eða dauðsföll, vinir upplifa angist og kvöl og við vitum ekki af því.
Gefur þú þér tíma til að vita virkilega hvernig vinum og kunningjum líður? Leitar þú eftir því að hringja bara til þess að heyra í hljóðið í vinum þínum?
Að halda sambandi við gamla og góða vini hefur alltaf reynst mér erfitt og það segir ekkert um það hvað mér þykir vænt um þá. Ég finn nánast til því mér er svo umhugað um margar gamlar vinkonur.

Ég frétti af gamalli vinkonu sem upplifði mikinn og mjög óvæntan missi fyrir nokkru síðan. Ég rakst á hana um daginn og ég var svoooo mikið að drífa mig að ég gaf mér ekki tíma til að spjalla við hana. Hvað ég var að drífa mig svona að gera man ég ekki. Ef ég hefði bara gefið henni meiri tíma!! Ég er ekki viss um að hún hefði sagt mér frá missi sínum en með því að gefa mér tíma til að tala við hana hefði ég getað sýnt henni að hún skiptir mig enn máli.
Ég hef stundum verið að gæla við þá hugmynd að ég sé ekki að taka þátt í lífsgæða kapphlaupinu af eins miklum móð og aðrir en ég geri það á minn hátt og oft alltof mikið. Þessi hraði á öllu. Það þarf allt að gerast strax og helst í gær!

Gefum okkur tíma fyrir hvert annað! Í gleði og sorg!
Sem betur fer eru góðu stundirnar oftast fleiri, njótum þeirra saman og samkætumst :)

1 Comments:

Blogger kellybelly said...

ég vil bara grénja eftir þessa lestningu:( en ætli það sé ekki nokkuð eðlilegt miða við mig...en vel mælt hjá þér, eitthvað sem fær mann til að hugsa

3:47 e.h.  

Skrifa ummæli

<< Home